Lede van AfriForum se Meyerspark-buurtwag het op 15 Augustus 2019 ’n verdagte in samewerking met die Tshwane-metropolisie en die SAPD vasgetrek. Dít volg nadat ’n lid van die gemeenskap die buurtwag daarvan in kennis gestel het dat verskeie verdagtes besig was om by iemand se motorhuis in te breek. Die buurtwag en ’n metropolisiebeampte het onmiddellik gereageer.
Die burgerregte-organisasie AfriForum het op 15 Augustus 2019 ’n nuwe buurtwag in Robertson gestig. Dít volg nadat AfriForum op 25 Julie 2019 ’n tak in Robertson gestig het.
AfriForum se Welkom-tak het op 15 Augustus 2019 die Matjhabeng Plaaslike Munisipaliteit op terme geplaas oor rou riool wat tot in die agterplase van verskillende residensiële areas in die Doorn-uitbreiding vloei.
AfriVriendelik neem vanjaar hande met Akademia om die entrepreneur van die jaar aan te wys. Akademia het van 2013 tot 2016 die bekende Sakeplankompetisie aangebied en AfriVriendelik bied sedert 2017 die entrepreneurskompetisie aan. Saam kan dié twee inisiatiewe egter baie meer aan entrepreneurs bied.
Die burgerregteorganisasie AfriForum het op 14 Augustus 2019 sy veldtog teen die beoogde steenkoolmyn naby die Nasionale Krugerwildtuin verskerp ná nog beweerde vergrype deur Singo Consulting (Edms.) Bpk.
AfriForum se Welkom-tak het op 10 Augustus 2019 die tak se eie lugsteunvleuel by die Welkom-lughawe gestig nadat dié tak vroeër vanjaar ’n hommeltuig aangekoop het om misdaad in die omgewing te bekamp.
AfriForum se Springs-tak het onlangs die vloer van die eetsaal by die Rus ’n Bietjie-tuiste vir bejaardes vervang. Dít volg nadat die tehuis die publiek verskeie kere vir hulp genader het en AfriForum besluit het om betrokke te raak.
Die AfriForum-tak in Postmasburg het op 13 Augustus 2019 ’n dringende skrywe aan die Tsantsabane Plaaslike Munisipaliteit gerig oor riool wat in dié dorp se begraafplaas uitvloei.
AfriForum se Standerton-buurtwag, die Standerton GPF en plaaslike boere het op 9 Augustus 2019 in die vroeë oggendure ’n groot deurbraak in veediefstalsake gemaak nadat ses verdagtes in hegtenis geneem is.
Die Nasionale Energiereguleerder van Suid-Afrika (Nersa) het op 8 Augustus 2019 die verhoogde elektrisiteitstarief aangekondig wat die Tshwane-metro mag implementeer. Die verhoogde tarief sluit ’n verhoging van 13,07% in op die 2018/2019-tarief vir die 2019/2020-termyn.
End of content
End of content