Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Afrikaans-Vriendelik gee ondernemings hupstoot met entrepreneurskompetisie

Afrikaans-Vriendelik, wat ten doel het om Afrikaans in die sakewêreld te bevorder, trek binnekort ŉ nuwe baadjie aan.

Vanaf 20 Julie 2017 sal Afrikaans-Vriendelik een van vyf inisiatiewe van AfriVriendelik wees, ŉ eenstopdiens vir alle entrepreneurs en sakeondernemings. Ander inisiatiewe sluit onder meer ŉ aanlynkletskamer vir AfriForum-lede en entrepreneurs, bemarkingsopleiding, die jaarlikse Tinteltong toekennings asook ŉ entrepreneurskompetisie in.

Afrikaans-Vriendelik is in 2016 deur AfriForum bekendgestel en bied erkenning en gratis bemarking aan Afrikaanse ondernemings en diensverskaffers. Volgens Sanderien van der Walt, projekkoördineerder van Afrikaans-Vriendelik, was ŉ entrepreneurskompetisie die volgende logiese stap vir die uitbou van dié veldtog.

“Hierdie kompetisie is vir enige entrepreneur wat trots is op sy of haar onderneming en dit verder wil uitbou. Ons wil jong én ervare entrepreneurs aanmoedig om deel te neem vir die verskeie blootstellingsgeleenthede wat die kompetisie bied.”

Inskrywings open 20 Julie, tydens die bekendstelling van AfriVriendelik in Pretoria, en sluit 30 September 2017. Pryse sluit onder meer ŉ nuwe webwerf geborg deur MyGuru, ŉ advertensie vir gebruik op sosialemediaplatforms asook ŉ mentorskapsessie met een van die breine agter die bekende Buffelsfontein Baardolie-handelsmerk, Meyer le Roux, in.

Lede van die publiek kan dan tussen 2 en 15 Oktober vir hul toptien gunsteling- ondernemings stem, waarna ŉ uitgesoekte paneel die wenner sal kies wat op 20 Oktober 2017 aangekondig sal word.

Deelnemers in die Vrystaat en Wes-Kaap kan ook uitsien na AfriVriendelik se ander nasionale bekendstellings wat op 24 Augustus in Bloemfontein by Warm Karoo en 30 Augustus by Weltevreden Estate in Stellenbosch plaasvind.

“Ons weet daar is baie entrepreneurs in Suid-Afrika wat hard werk en ons wil deur dié kompetisie vir hulle ŉ hupstoot gee en dit moontlik maak om hul ondernemings verder uit te bou,” meen Van Der Walt.