Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

AfriForum-tak stig buurtwag om Vereeniging te beveilig

DeurAfriForum 11/11/202411/11/2024

Die burgerregteorganisasie AfriForum het verlede week ’n splinternuwe buurtwag in Vereeniging gestig om die inwoners van hierdie gebied te help beveilig. Die nuutaangestelde buurtwagleier, Jaco Venter, sê hy pak graag dié geleentheid aan om ’n daadwerklike verskil in Vereeniging te maak.

Hierdie AfriForum buurtwag se bestuur, wat op 7 November verkies is, bestaan dus uit Venter, Innes Erasmus (operasionele leier), Lian Naude (inligtingsleier) en Leonie Bester (steunleier).

Die buurtwag vorm deel van die struktuur van die bestaande AfriForum-tak in die gebied. Dit het ten doel om die gemeenskap, in samewerking met die plaaslike polisie en ander veiligheidsrolspelers, te beveilig,op noodsituasies te reageer en die nodige bystand te bied.

“Ek’s baie opgewonde oor die stigting van hierdie buurtwag en nooi graag die gemeenskap uit om by AfriForum se Vereeniging-buurtwag in te skakel. Ons kan nie langer die geveg teen misdaad op die skouers van die polisie alleen laat rus nie; ons moet self betrokke raak,” se Erasmus, ook die voorsitter van AfriForum se Vereeniging-tak.

“Die veiligheidsuitdagings wat ons gemeenskappe deesdae in die gesig staar vereis dat ’n buurtwaglid toegerus is met die nodige kennis om met selfvertroue op te tree en goeie besluitneming aan die dag te lê. Ons het ’n uitgebreide opleidingsprogram en sal dus spoedig daarmee begin,” voeg Erasmus by.

AfriForum sien uit om kragte saam te snoer met alle veiligheidsrolspelers in Vereeniging en saam dit ’n veilige plek te maak. Inwoners wat graag by AfriForum se Vereeniging-buurtwag betrokke wil raak kan ’n boodskap aan 079 826 0786 stuur of ’n e-pos na vereeniging.bw@afriforumtak.co.za stuur vir meer inligting.