Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Gemeenskapsake Mediaverklarings | Mediaverklarings

AfriForum-tak in Worcester maak ’n verskil in Junie

DeurAfriForum 29/06/202329/06/2023

AfriForum se Worcester-tak het in Junie verskeie aksies aangepak om ’n verskil in hul gemeenskap te maak.

Die Worcester-tak het op 21 Junie droë sopbestanddele aan Worcester United Kerk geskenk. Hierdie kerk berei op ’n gereelde basis sop en bredies vir haweloses voor. Hierdie skenking het gevolg ná ’n versoek op ’n Facebook-groep waarop dié tak blitsvinnig reageer het.

Die tak het ook op 16 Junie water geskenk vir rugbyspelers wat op hierdie vakansiedag ’n wedstryd gespeel het.

“AfriForum se Worcester-tak is aktief besig om ’n groot verskil te maak in hul gemeenskap en sien uit daarna om verder ’n positiewe impak te hê,” sê Jacques Benade, distrikskoördineerder vir die Boland.

“Ek wil graag vir Jacoba Bradbury, Bianca Venter, Marco Venter, Morné le Roux en Louis Conradie dankie sê vir die moeite wat hulle met hierdie twee aksies gedoen het. Ons waardeer julle,” sluit Benade af.Lede van die gemeenskap word aangemoedig om by AfriForum se Worcester-tak betrokke te raak by www.wordlid.co.za.