Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Gemeenskapsake Mediaverklarings | Mediaverklarings

AfriForum-tak in Viljoenskroon nou slaggereed vir aksies

DeurAfriForum 17/04/202417/04/2024

Die AfriForum-tak in Viljoenskroon is nou slaggereed om ’n groot verskil in dié drop te maak. Die tak se bestuur is uiteindelik voltallig en bestaan uit die volgende lede: Attie Barnard (waarnemende voorsitter); Jaco Scheepers (ondervoorsitter en plaaslikeregeringsake), Lynne Griesel (sekretaris), MG van Niekerk (tesourier), Francois Vos (omgewingsake), Koos Nienaber (plaaslikeregeringsake) en Neels van Staden (veiligheid).

Hierdie wenspan het onlangs toerusting, waaronder bossiekappers, ’n saag, besems, harke en kegels, aangekoop om daarmee ’n daadwerklike verskil in Viljoenskroon te maak. Hierdie toerusting word saam met AfriForum-bemarkingsmateriaal in ’n oulike waentjie vervoer wat die tak ook aangekoop het.

Daar word beplan om hierdie toerusting op Saterdag 20 April om 07:00 met ’n skoonmaakprojek op die hoek van Denyssen- en Piet Retiefstraat, oorkant die ouetehuis, in te wy. Daardie stuk grond hou ’n veiligheids- en ’n gesondheidsrisiko vir inwoners in.

“Ons het hierdie toerusting aangekoop om werklik ’n verskil in Viljoenskroon te maak vir alle inwoners. Daarom sal dit baie lekker wees as elke inwoner betrokke kan raak sodat ons hierdie dorp weer ’n spogdorp kan maak,” sê Attie Barnard, waarnemende voorsitter van AfriForum se Viljoenskroon-tak.

“Die entoesiasme van hierdie takbestuur is werklik aansteeklik en ek kan net hoop dat hulle die gemeenskap se ondersteuning sal geniet. Ons sal self, maar ons kan nie alleen nie,” sê Alta Pretorius, AfriForum se distrikskoördineerder vir die Mooirivier.

Indien jy by hierdie AfriForum-tak wil betrokke raak, kontak vir Barnard by 082 557 1428.