Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

AfriForum-tak in Klerksdorp koop hommeltuig aan om stad te beveilig

DeurAfriForum 01/02/202201/02/2022

Die AfriForum-tak in Klerksdorp het op 27 Januarie ’n hommeltuig wat die tak aangekoop het, aan die opgeleide hommeltuigvlieёniers oorhandig vir gebruik in die bekamping van misdaad in die stad.

Hommeltuigtegnologie is van onskatbare waarde in die bekamping van misdaad, daarom het die buurtwag reeds verskeie lede bemagtig deur hulle vir hommeltuigopleiding te stuur. Klerksdorp spog met twee vlieёniers, Anton Oosthuizen en Theo Gresse, wat deur AfriForum opgelei is. Hulle is by SACAA geregistreer as volwaardige RPL vlieёniers. Die Klerksdorp-tak beoog om in 2022 nog lede te stuur vir hommeltuigopleiding om sodoende die bestaande kapasiteit uit te brei.

Frans Roos, die takvoorsitter van die AfriForum-tak in Klerksdorp bedank elke AfriForum-lid in Klerksdorp, wat met ’n glimlag elke maand ’n bydrae maak om die tak te bemagtig om die gemeenskap te beveilig. “Hierdie lede maak dit ook moontlik dat die buurtwagte in die area toegerus kan word met die nodige toerusting. Hierdie hommeltuigtegnologie gaan ’n groot verskil maak in die opspoor van verdagtes en gesteelde goedere, veral in die landelike gebied om Klerksdorp,” het Roos afgesluit.

“Wanneer buurtwagte met die nuutste tegnologie toegerus kan word, maak dit my baie opgewonde. Ek is ook baie dankbaar vir lede wat bereid is om die intensiewe opleiding te ondergaan,” sê Alta Pretorius, AfriForum se distrikskoördineerder vir die Mooirivier.

Mense wat wil betrokke raak, kan vir Frans Roos skakel by 083 378 8826.

Sluit vandag nog by AfriForum aan en word deel van die oplossing: SMS Klerksdorp na 45344 (R1)