Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Gemeenskapsake Mediaverklarings | Mediaverklarings

AfriForum-tak in Centurion sit goeie werk voort

DeurAfriForum 22/10/202122/10/2021

Die AfriForum-tak in Centurion is hard aan die werk om veranderinge in Centurion aan te bring. Die tak het gedurende die jaar al meer as 60 projekte aangepak.

Ná volgehoue druk deur AfriForum is die waterlek in Furmanpark in Valhalla uiteindelik herstel. Hierdie waterlek is al vir meer as vier maande gelos en derduisende liters water is al vermors. AfriForum het talle skrywes aan die Tswhane Metro gerig en die waterlek is op 19 Oktober herstel. Hoewel dit ’n verligting is dat die waterlek herstel is, is dit onaanvaarbaar dat ’n waterlek van hierdie grootte gelos word om water te mors terwyl daar gebiede is wat gebukkend gaan onder watertekorte en beurtwater.

Die Centurion-tak se tuinspan het ook onlangs die middelmanne en sypaadjies in Jeanlaan skoongemaak. Die tak het bossies uitgetrek, gras gesny en vullis verwyder. Daar is ook ’n kontrakteur in die Highveld-area wat weekliks sorg dat die area skoon en netjies bly.

“Ons wil graag die gemeenskap uitnooi om hande te vat met AfriForum se Centurion-tak. Daar is baie werk wat nog gedoen moet word en as ons saamwerk kan ons soveel meer bereik,” sê André de Bruyn, AfriForum se takvoorsitter in Centurion.

“AfriForum sal voortgaan om projekte aan te pak om die gemeenskap en omgewing vir almal te verbeter. Dit is belangrik dat die owerhede hul pligte nakom en AfriForum sal aanhou om druk toe te pas waar dit nodig is. Ons wil graag elke persoon bedank wat dit moontlik maak om hierdie tipe projekte aan te pak,” sê Jp Nel, AfriForum se distrikskoördineerder vir Groter Pretoria-Suid.

Die tak beplan reeds hulle volgende groot aksies en projekte en wil die gemeenskap uitnooi om hul Facebook-blad dop te hou en om by die groepe op die Telegram-toep aan te sluit.

Raak vandag nog by AfriForum se Centurion-tak betrokke om ’n daadwerklike verskil in jou gemeenskap te maak: SMS “Centurion” na 45340 (R1).