Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Gemeenskapsake Mediaverklarings | Mediaverklarings

AfriForum stig noodfonds, skenk komberse en matrasse ná Wes-Kaap-oorstromings

DeurAfriForum 12/07/202412/07/2024

Die burgerregteorganisasies AfriForum en Kaapse Forum het vandeesweek hulp verleen aan verskeie gemeenskappe in die Wes-Kaap wat deurgeloop het onder die verwoestende storms en oorstromings wat die afgelope dae wydverspreid in die provinsie voorgekom het.

Op Worcester het die plaaslike AfriForum-tak en Kaapse Forum gister (11 Julie) 150 komberse en 150 matrasse geskenk aan inwoners van dié dorp wie se huise oorstroom het. Inwoners word tans in die Worcester-gemeenskapsentrum gehuisves. Die organisasies gaan hul steun aan die gemeenskap vanaand voortsit met die voorsiening van aandete aan geaffekteerde inwoners.

Intussen is daar ook uitgereik na die inwoners van Kay’s Karavaanpark in die Strand. Nagenoeg 70 inwoners van dié karavaanpark se huise het oorstroom. Om die snerpende koue af te weer is komberse ook aan dié inwoners oorhandig.

’n AfriForum-noodfonds, ten bate van gesinne wat deur oorstromings in die Wes-Kaap ontwrig is, is ook vroeër vandeesweek op die been gebring.

“Die Kaap van Storms het hierdie week sy naam gestand gedoen en grootskaalse verwoesting gesaai, maar die krag van die gemeenskap het deur hierdie verwoesting duidelik geword. Inwoners se bereidwilligheid om uit te reik en dié wat die ergste deur die oorstromings geraak is, by te staan, is geweldig bemoedigend en bied aan AfriForum ’n uitsonderlike geleentheid noodverligting te bring na dié mense wat dit die nodigste het,” verduidelik Tarien Cooks, rampbestuurspesialis by AfriForum. Sy moedig die publiek aan om die AfriForum-noodfonds te ondersteun om die hulp aan geaffekteerde inwoners verder uit te brei.

Skenkings kan gemaak word in die volgende rekening:

Banknaam: Eerste Nasionale Bank

Rekeninghouer: AfriForum MSW

Bankkode: 261550

Rekeningnommer: 623 498 98 398

Verwysing: WK vloede