Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Argiewe

AfriForum spreek Kakamas se rioolprobleem aan

Deurafriforum 28/08/201702/11/2020

AfriForum het in Augustus vanjaar verskeie klagtes oor rioolprobleme in Kakamas van lede ontvang.
’n AfriForum-verteenwoordiger en ’n verteenwoordiger van die departement van water en sanitasie het Kakamas besoek en die probleem ondersoek.

“Ons kon duidelik sien dat die riooldamme se vermoë nie groot genoeg is om dié dorp se riool te hanteer nie. Dit skep ’n groot gesondheidsrisiko vir alle inwoners en diere,” sê Gonda Louw, AfriForum se distrikskoördineerder vir die Noord-Kaap.

Louw sê voorts dat die Kai !Garib Munisipaliteit vir die rioolprobleem aanspreeklik gehou moet word en dat hulle die gebied rondom die rioollekke baie dringend moet rehabiliteer. AfriForum het ’n brief in dié verband gestuur aan Gilbert Lategan, die munisipale bestuurder, maar tot op hede geen antwoord daarop gekry nie.
Die departement van water en sanitasie sal ’n rioolverslag opstel en aan die munisipaliteit stuur. AfriForum gaan ook ’n brief stuur aan Sylvia Lucas, premier van die Noord-Kaap, om haar op hoogte van die rioolprobleme in Kakamas en Upington te hou.
Indien die munisipaliteit versuim om op te tree, sal die burgerregtewaghond regstappe oorweeg.
Wys jou steun vir die projek en sms “Kakamas” na 32532 (R1).