Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Internasionale skakeling Mediaverklarings | Mediaverklarings

AfriForum sit #DieWêreldMoetWeet-veldtog in VSA voort

DeurAfriForum 08/09/202208/09/2022

AfriForum se hoof van Beleid en Aksie, dr. Ernst Roets, vertrek Vrydag 9 September na die VSA om dié burgerregteorganisasie se #DieWêreldMoetWeet-veldtog voort te sit. Tydens hierdie besoek sal die kollig in besonder geplaas word op die onlangse hofuitspraak waarin verklaar is dat die dreunsang “Kill the Boer, kill the farmer” nie haatspraak is nie.

Roets woon op uitnodiging die National Conservatism-konferensie in Florida by, wat deur die prominente Edmund Burke Foundation aangebied word. Tydens sy besoek in die VSA gaan hy ook as hoofspreker by ’n geleentheid van die New York Young Republican Club in New York optree. Die doel van die funksie is om die aandag te vestig op die krisis in Suid-Afrika en die werk wat AfriForum doen. Verder sal Roets ’n reeks vergaderings in Washington DC toespreek.

“AfriForum het die afgelope paar jaar reuse-spronge in buitelandse skakeling en steunwerwing gemaak. AfriForum is reeds geregistreer by die Verenigde Nasies (VN) se afdeling vir nieregeringsorganisasies en neem gereeld aan VN-geleenthede deel om die wêreld oor die omstandighede in Suid-Afrika in te lig. AfriForum is ook besig om na skakelgeleenthede by die Afrika Unie te kyk. AfriForum se teenwoordigheid op die internasionale verhoog maak dit vir ons moontlik om die wêreld te laat kennis neem van die onderdrukking van minderhede in Suid-Afrika. Met hierdie besoek hoop ons dus om verder op hierdie grondslag te bou,” sê Roets.

Steun AfriForum se #DieWêreldMoetWeet-veldtog.