Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

AfriForum se Welkom-tak skenk voedselpakke aan gesinne in nood

Deur 09/06/202002/11/2020

Die AfriForum-tak in Welkom het in samewerking met Solidariteit Helpende Hand op 5 Junie 2020 voedselpakke aan behoeftige gesinne van dié dorp se voedselverspreidingsprogram geskenk.

Die tak het skenkings van boere in die omliggende gebiede ontvang en het 30 koolkoppe, 30 sakke sopmengsel en 150 kg mieliemeel aan Helpende Hand geskenk. Helpende Hand het hierdie skenking na 48 behoeftige gesinne versprei.

“Ons is baie dankbaar vir elke skenking wat na ons kant toe kom. Ons probeer om soveel gesinne as moontlik in hierdie tyd by te staan,” sê Johan Terblanche, voorsitter van AfriForum se Welkom-tak.

“Ons is baie dankbaar vir al die skenkings wat tot dusver ontvang is en vir die harde werk wat ons takstrukture in hierdie tyd verrig. AfriForum sal aanhou om gemeenskappe in nood te help en te ondersteun waar ons kan,” sê Jp Nel, AfriForum se distrikskoördineerder vir die Hoogland.

AfriForum se Welkom-tak het reeds altesaam meer as 10 ton voedsel danksy skenkings versprei en beplan om gemeenskappe in nood verder by te staan. Mense wat kos aan die Welkom-tak wil skenk, kan Terblanche by 082 954 3160 skakel.

Die takbestuur nooi die gemeenskap uit om by die tak betrokke te raak. Sluit by AfriForum aan en word deel van die oplossing: SMS “Welkom” na 31481 (R1).