Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

AfriForum se Welkom-tak plaas Matjhabeng-munisipaliteit op terme

Deur 16/08/201902/11/2020

AfriForum se Welkom-tak het op 15 Augustus 2019 die Matjhabeng Plaaslike Munisipaliteit op terme geplaas oor rou riool wat tot in die agterplase van verskillende residensiële areas in die Doorn-uitbreiding vloei.

Die gemeenskap en ander rolspelers het AfriForum genader om druk op die munisipaliteit uit te oefen om te verseker dat dié probleem opgelos word.

AfriForum doen ’n dringende beroep op die munisipaliteit om die rioolprobleme reg te stel, asook om ’n plan voor te lê oor hoe hierdie probleem in die toekoms die hoof gebied gaan word om te verhoed dat dieselfde weer gebeur.

“Dit is skokkend om te sien hoe hierdie rou riool in inwoners se erwe opdam. Ons sal aanhou om druk op die munisipaliteit te plaas om te verseker dat die probleem opgelos word en dat daar antwoorde daaroor verskaf word,” sê Jp Nel, AfriForum se assistentkoördineerder vir die Hoogland.

Die munisipaliteit is ’n week gegun om hul aksieplan aan AfriForum voor te lê. Die Welkom-tak sal die situasie deurgaans moniteer.

AfriForum se Welkom-tak nooi die gemeenskap uit om by die organisasie se toekomstige projekte en aksies betrokke te raak. Sluit by AfriForum aan en word deel van die oplossing: SMS “Welkom” na 31481 (R1).