Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Argiewe

AfriForum se Warmbad-buurtwag ontvang veiligheidsopleiding

Deurafriforum 15/05/201802/11/2020

Lede van AfriForum se Warmbad- en RTL-buurtwag het die afgelope naweek veiligheidsopleiding, aangebied deur Tactical CQC, ontvang ter verskerping van buurtwaglede in dié gebied se paraatheid.
Ongeveer 30 mense het aan die opleiding deelgeneem, wat van taktiese hand-tot-hand-selfverdediging tot die aanleer van taktiese wapenvaardighede gewissel het.
Volgens Jaco Grobbelaar, AfriForum se distrikskoördineerder vir Limpopo, is professionele opleiding vir elke veiligheidstruktuur van groot belang.

“Dit is belangrik dat AfriForum se buurtwaglede te alle tye binne die raamwerk van die wet optree en daarom moet buurtwaglede die korrekte opleiding ontvang, vir sowel hul eie as die gemeenskap se veiligheid,” sê Grobbelaar.

Die buurtwag vorm deel van AfriForum se plaaslike takstruktuur en het ten doel om die gemeenskap in samewerking met die polisie in tye van nood by te staan.

“Die doel van AfriForum-buurtwagstrukture is om ’n daadwerklike verskil te maak en te help om misdaad te bekamp. Ons moedig die gemeenskap aan om betrokke te raak en nooi alle veiligheidstrukture uit om saam met dié buurtwag te werk,” sê Janes Boshoff, voorsitter van AfriForum se Warmbad-tak. “Hoe meer mense betrokke raak, hoe groter die impak en verskil wat ons in Warmbad kan maak,” voeg Boshoff by.

SMS “Buurtwag” na 45340 (R1) om betrokke te raak.