Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Mediaverklarings

AfriForum se waarnemers en buurtwagte gerat vir verkiesingstydperk

DeurAfriForum 27/05/202427/05/2024

AfriForum se 134 waarnemers is slaggereed om die nasionale verkiesing op 29 Mei noukeurig dop te hou by verkiesingslokale. Die burgerregteorganisasie se meer as 170 buurtwagte is ook landswyd op hoëgereedheid sou daar enige openbare geweld tydens of ná die verkiesing opvlam.

AfriForum se buurtwagte het in die verlede al groot suksesse behaal soos tydens die Julie 2021 onluste en toe hulle in 2023 ’n voorkomende rol gespeel het saam met ander veiligheidsinisiatiewe toe die EFF die land tot ’n stilstand wou dwing. “Die teenwoordigheid en harde werk van AfriForum se veiligheidstrukture het al groot bydraes gelewer om pogings en dreigemente van onluste te fnuik,” sê Jacques Broodryk, hoofwoordvoerder vir Gemeenskapsveiligheid by AfriForum.

Die AfriForum lugvleuel, wat uit meer as 40 hommeltuie bestaan is ook op ’n gereedheidsgrondslag om regstreekse inligting in te win in gebiede wat ontoeganklik kan raak, die hommeltuie word ook gereeld gebruik om verdagtes op te spoor of te monitor. Die AfriForum-buurtwagte sal op hoëgereedheid bly selfs ná die verkiesingsuitslae bekendgemaak is.

“Daar waar ons buurtwagte gevestig is, is hul gereed om te help om hul gemeenskappe op ’n doeltreffende wyse en binne die raamwerk van die wet te beveilig,” sê Broodryk.

Die organisasie raai die publiek ook aan om seker te maak dat hul weet waar hul moet gaan stem aangesien hulle nie toegelaat sal word om elders, waar hulle nie geregistreer is nie, te stem nie. Die inligting kan by https://maps.elections.org.za/vsfinder/ gverifieer word.

AfriForum moedig die publiek aan om enige ongerymdhede of gevalle van intimidasie tydens die stemproses aan te meld by navrae@afriforum.co.za.