Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Gemeenskapsake Mediaverklarings | Mediaverklarings

AfriForum se Vaalharts-tak pas druk toe om rioolprobleem op te los

Deur 23/09/201902/11/2020

’n Rioollek in Jan Kempdorp is ná volgehoue druk deur AfriForum se Vaalharts-tak herstel nadat die gemeenskap die probleem verskeie kere by die Phokwane Plaaslike Munisipaliteit aangemeld het.

“Mense het begin kla dat die munisipaliteit nie op die probleem reageer nie,” sê Hilgard Futcher, voorsitter van AfriForum se Vaalharts-tak se omgewingsakeportefeulje. Futcher en Brendon Fourie, veiligheidsvoorsitter van die tak, het na die rioollek gaan kyk en die munisipaliteit se administrateur is ook daaroor in kennis gestel. Nadat die takbestuur die kwessie opgevolg het, is die lek herstel.

“Dit is vir die gemeenskap ’n groot frustrasie as hulle geen reaksie kry wanneer hulle probleme aanmeld nie. Dit is waarom dit belangrik is om by die Vaalharts-tak aan te sluit sodat ons hierdie probleme saam kan oplos,” sê Futcher.

“Ons het ’n skrywe aan die munisipaliteit gerig om hulle te vra om met AfriForum te vergader om probleme te bespreek wat spoedig hul aandag moet geniet en om hulle in te lig oor ander riool- en waterprobleme wat onder die tak se aandag gekom het,” sê Lize-Mari Smit, AfriForum se distrikskoördineerder vir die Karoo.