Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Mediaverklarings | Onderwys- en leierskapsprojekte Mediaverklarings

AfriForum se teenboelieveldtogspan besoek die Volkskool en CVO Skool in Orania

DeurAfriForum 10/05/202210/05/2022

Die burgerregteorganisasie AfriForum se teenboelieveldtogspan het op 5 en 6 Mei 2022 by die Volkskool en CVO Skool in Orania besoek afgelê. Dié veldtog dien as bewusmaking van afknouery in skole en sluit inligtingsessies met leerders in.

“Dit is vir AfriForum belangrik om saam met leerders, onderwysers en ouers te werk om ’n verskil te maak en afknouery in skole hok te slaan. Veilige skole sorg ook vir ’n veilige gemeenskap, nie net nou nie, maar ook in die toekoms. Elke leerder wat die teenboeliepraatjie bywoon, word toegerus met die nodige kennis en vaardighede om as leier in situasies op te tree waar afknouery plaasvind, met ander woorde om boeliebestand te wees. Die leerders was ook bewus gemaak oor die gevare van sosiale media, kuberafknouery en hoe die internet op ’n veilige manier gebruik kan word,” sê Leandie Bräsler, AfriForum se bestuurder vir jeugleierskap.

“Boeliegedrag onder kinders is ongelukkig iets wat orals voorkom al kom volwassenes nie altyd daarvan te hore nie. Daarom is dit belangrik dat bewusmaking gedoen word vanaf ’n jong ouderdom sodat die slagoffer sowel as die onderwyser weet hoe om dit te identifiseer en te hanteer, en die boelie weet dat dit wat hy of sy doen baie skade aan ‘n ander kind se karakter kan doen,” sê Marike Labuschagne, AfriForum se distrikskoördineerder vir die Bo-Karoo.

Vir meer inligting rondom AfriForum se teenboelieveldtog besoek gerus www.teenboelie.co.za.

Feitelik verkeerde polisiestatistieke oor plaasmoorde laat ernstige vrae ontstaan

DeurAfriForum 18/08/202318/08/2023

Die burgerregteorganisasie AfriForum het die Suid-Afrikaanse Polisiediens (SAPD) se statistieke oor plaasmoorde vir die tweede kwartaal van 2023 gekap. Die…