Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Mediaverklarings | Onderwys- en leierskapsprojekte Mediaverklarings

AfriForum se teenboelieveldtogspan besoek CVO Skool Pretoria

DeurAfriForum 31/08/202116/09/2021

Die burgerregteorganisasie AfriForum se teenboelieveldtogspan het op 30 Augustus 2021 by die CVO Skool Pretoria besoek afgelê. Dié veldtog dien as bewusmaking van afknouery in skole en sluit inligtingsessies met leerders in.

“Dit is vir AfriForum belangrik om saam met leerders, onderwysers en ouers te werk om ’n verskil te maak en afknouery in skole hok te slaan. Veilige skole sorg ook vir ’n veilige gemeenskap, nie net nou nie, maar ook in die toekoms. Elke leerder wat die teenboeliepraatjie bywoon, word toegerus met die nodige kennis en vaardighede om as leier in situasies op te tree waar afknouery plaasvind, met ander woorde om boeliebestand te wees. Kinders word ook geleer om te kan onderskei tussen afknouery en konflik. Die doel van hierdie praatjie is om leerders te bemagtig,” sê Leandie Bräsler, AfriForum se bestuurder vir jeugleierskap.

“Dit is vir ons skool belangrik dat leerlinge toegerus is om boeliegedrag te identifiseer en leer hoe om op die regte manier, binne ons Christelike etos, daarop te reageer. Hulle moet leer dat dit nie hul menswees bepaal nie, en dat hulle die reg het om daarteen op te tree en dit aan te meld. Die leerlinge het dit baie geniet en baie waarde uit die veldtog gekry,” sê Rachelle Boonzaaier, adjunkhoof van die CVO Skool Pretoria.

Besoek gerus www.teenboelie.co.za vir meer inligting rondom AfriForum se teenboelieveldtog.