Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Mediaverklarings

AfriForum se Springs-tak hou skoonmaak-aksie

Deurafriforum 25/02/202002/11/2020

AfriForum se Springs-tak het op 15 Februarie 2020 ’n skoonmaak-aksie in die middedorp op die hoek van 6de Laan en 9de Straat gehou. Dít volg nadat die gebied al vir ’n geruime tyd ’n seer oog vir die publiek is, weens onwettige vullis wat daar gestort word.

Die laaste paar weke is verskeie klagtes oor onwettige stortingsterreine in Springs aan die plaaslike owerheid gerig. Hierdie klagtes het egter op dowe ore geval en die plaaslike raadslede trek bloot hul skouers op. Dit het AfriForum se Springs-tak genoop om ’n plaaslike kontrakteur aan te stel en een van die gebiede op te ruim.

“Ons besef aksies soos hierdie is slegs ’n tydelike oplossing, maar dit vestig ook ’n platform om ’n moontlike veldtog teen City of Ekurhuleni te dryf en druk toe te pas om die toepaslike verordeninge te handhaaf,” sê Cornel Swart, voorsitter van AfriForum se Springs-tak.

“Ons hoop dat hierdie soort aksies die gemeenskap sal aanspoor om proaktief tot die dorp se netheid by te dra. AfriForum sal voortgaan om ander probleemareas in die dorp met soortgelyke selfdoenaksies te takel,” sluit Swart af.

“AfriForum se Springs-tak wil tot ’n veiliger, skoner gemeenskap bydra. Ons doen daarom ’n beroep op inwoners om by ons plaaslike tak betrokke te raak en ons te ondersteun om nog meer suksesse te behaal,” se Marié Naudé, AfriForum se hoof vir gemeenskapstrukture vir die Noordstreek.

SMS “Vullis” na 45342 (R1) of stuur ’n e-pos aan springs.afriforum@gmail.com vir meer inligting.