Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Gemeenskapsake Mediaverklarings | Mediaverklarings

AfriForum se Springs-buurtwag in Endicott ontvang nuwe brandbestrydingstoerusting

DeurAfriForum 22/10/202002/11/2020

Die AfriForum-tak en -buurtwag in Springs het op 16 Oktober 2020 brandbestrydingstoerusting aan die Endicott-buurtwag oorhandig. ’n Brandbestrydingstoestel met ’n waentjie is aan Endicott verskaf om hulle te help om brande te bestry.

Die Springs-tak het ook ’n bykomende brandbestrydingswaentjie gebou wat veelsydig aangewend kan word tydens brandbestryding. Dié waentjie is toegerus met twee brandblussers, brandslaantoerusting en ’n watertenk met ’n pomp en motor. Dié toerusting is vroeër aangeskaf, maar kon nie doeltreffend gebruik word sonder ’n goed toegeruste waentjie nie.

Omdat baie brande in die nag bestry moet word, is die waentjie ook toegerus met spreiligte sodat lede beter kan sien.

“Die toerusting is skaars afgelaai toe ons ’n noodroep oor ’n brand in 5de Laan ontvang. Die waentjie stel die Endicott-buurtwag nou in staat stel om brande doeltreffend te bestry, veral in die droë wintermaande, wanneer veldbrande gereeld voorkom en baie maal buite beheer raak,” sê Cornel Swart, voorsitter van AfriForum se Springs-tak.