Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Buurtwag Mediaverklarings | Mediaverklarings

AfriForum se Springs-buurtwag help om onwettige myners vas te trek

Deur 05/11/201902/11/2020

Die AfriForum-buurtwag in Springs het in samewerking met dié organisasie se lugsteunvleuel en die SAPD op 31 Oktober 2019 ’n spesiale operasie gehou waartydens onwettige myners vasgetrek is. 23 arrestasies is uitgevoer en beslag is ook gelê op twee waterpompe, grawe, pikke, sae en hamers wat tydens onwettige mynbedrywighede gebruik is.

AfriForum se lugsteunvleuel het tydens die operasie bystand gebied met ’n hommeltuig. Volgens Cornel Swart, voorsitter van AfriForum se Springs-tak, het die hommeltuig goed gewerk. “Toe die hommeltuig opgaan, het die verdagtes gaan plat sit en probeer wegkruip. Dit het ons die kans gegee om hulle te omsingel en te verhoed dat hulle vlug.”

Alle betrokkenes sal voortgaan met proaktiewe optredes om misdadigers die gebied te ontsê.

“Ek wil graag die volgende persone bedank wat ’n sleutelrol gespeel het met dié sukses: Lt.kol. Ramlal en sy span, Barries Barnard van Wolf Protection se K9-eenheid, asook Piet de Wit wat die hommeltuig behartig het,” sê Morné Greyling, voorsitter van AfriForum se Springs-buurtwag.

Raak vandag nog by jou plaaslike AfriForum-tak betrokke: SMS jou naam na 45342 (R1).