Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Gemeenskapsake Mediaverklarings | Mediaverklarings

AfriForum se Piet Retief-tak rig waterpunte op

DeurAfriForum 21/09/202002/11/2020

Die AfriForum-tak in Piet Retief het van 14 tot 18 September 2020 sy eerste ses noodwaterpunte op strategiese plekke in dié dorp opgerig sodat inwoners en gemeenskapslede in tye van nood toegang tot water sal hê. Dít volg nadat ’n brief aan die gemeenskap gestuur is oor opgraderings en dat Piet Retief vir ongeveer twee weke geen watertoevoer gaan hê nie. Waterbeperkings vind ook gereeld in die Mkhondo Plaaslike Munisipaliteit se jurisdiksie plaas en inwoners is dan vir tye sonder water.

Daar is by elk van die volgende plekke een tenk – wat sowat 5 kiloliter water kan stoor – opgerig: Deborahstraat 2, Jasmynestraat 11, Magnoliastraat 20 en die Piet Retief-moskee in Kempville, terwyl twee watertenks by die A.G.S. Kerk Fontana opgerig is. Hierdie water sal vir huishoudelike gebruik aangewend kan word.

“Hierdie projek se sukses en volhoubaarheid is afhanklik van die hele gemeenskap se samewerking en betrokkenheid. Ons wil gemeenskapslede wat daartoe in staat is aanmoedig om tot die projek by te dra, veral persone wat boorgate het en kan help om water te verskaf,” sê Bronwen Pretorius, AfriForum se distrikskoördineerder vir die Hoëveld.

“Ons wil graag nóg waterpunte in die Piet Retief-omgewing oprig om meer water tydens onderbrekings beskikbaar te hê. Ons wil ook vir Build It bedank vir die voorsiening van die watertenks wat hierdie waterpunte moontlik gemaak het,” sê Gerhard Bohmer, voorsitter van AfriForum se Piet Retief-tak.

Raak vandag nog by hierdie projek betrokke: SMS “Piet Retief” na 45350 (R1).