Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Gemeenskapsake Mediaverklarings | Mediaverklarings

AfriForum se Nelspruit-tak maak natuurreservaat skoon

DeurAfriForum 04/03/202204/03/2022

Die AfriForum-tak in Nelspruit het op 3 Maart 2022 in samewerking met die Mbombela Plaaslike Munisipaliteit die park by die Steiltes Natuurreservaat se gras gesny en indringerplante uitgeroei. Die reservaat is ’n gewilde ontspanningsarea vir die plaaslike inwoners, drawwers en spesifiek kranige voëlkykers wat na die gesogte bosloeries kom soek wat in die reservaat broei.

Die munisipaliteit het toegesien dat die groter areas met hulle toerusting gesny word terwyl AfriForum die ontspanningsareas, heinings en parkeerarea met bossiekappers skoongesny en skoongevee het.

“Dit is vir ons ’n voorreg om ons parke en groenstroke skoon te hou. Dit gee inwoners die geleentheid om die areas te gebruik vir ontspanning sonder om onveilig te voel. Dit is verblydend om te sien dat die parke-afdeling van die munisipaliteit steeds hulle kant bring al het hulle uitdagings in verband met arbeidskrag en hulpbronne. Dit is juis waarom ons as tak wil help. Die tyd vir terugsit en kla is verby en dit is vir ons lekker om in te spring en self te doen,” sê Arlo van Heerden, AfriForum se distrikskoördineerder vir die Laeveld.

AfriForum se Nelspruit-tak nooi lede van die publiek uit om betrokke te raak by die plaaslike projekte om sodoende ’n verskil te maak in hulle woonbuurte.