Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Gemeenskapsake Mediaverklarings | Mediaverklarings

AfriForum se Moot- en Oos-Moot-tak verskaf water aan gemeenskap

Deur 28/07/202002/11/2020

AfriForum se Moot- en Oos-Moot-tak het op 25 Julie 2020 water aan die gemeenskap verskaf nadat inwoners van die Moot vir drie dae sonder water was.

AfriForum se Moot-tak het vroeër vanjaar ’n noodwaterpunt opgerig spesifiek vir gevalle soos dié wanneer die munisipaliteit versuim om hul pligte na te kom. Die waterpunt is vroeg Saterdagoggend oopgemaak sodat inwoners water kon kry. Die Oos-Moot-tak het ook vinnig opgetree en ’n tenk met water op ’n bakkie gelaai en voor Laerskool Voorpos gestaan sodat inwoners ook daar water kon kry.

“Hierdie is weer eens ’n voorbeeld van wat gemeenskappe kan vermag as almal hande vat en ’n probleem saam aanpak. AfriForum sal aanhou om gemeenskappe by te staan en saam aan oplossings werk,” sê Jp Nel, AfriForum se distrikskoördineerder vir Groter Pretoria.

“Ons wil graag nóg waterpunte in die Pretoria-omgewing oprig om meer water tydens onderbrekings beskikbaar te stel. Watertekorte gaan in die toekoms moontlik meer gereeld voorkom en juis daarom moet daar meer op selfdoen gefokus word sodat gemeenskappe beter toegerus is,” sê Sampie Steinberg, AfriForum se distrikskoördineerder vir Groter Pretoria.

Raak vandag nog by AfriForum se Moot- en Oos-Moot-tak betrokke en word deel van die oplossing: SMS “Moot” of “Oos-Moot” na 45341 (R1).