Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

AfriForum se Lichtenburg-tak skenk voedsel ter waarde van R15 000

Deur 03/08/202002/11/2020

Die AfriForum-tak in Lichtenburg het op 29 Julie 2020 noodsaaklike kruideniersware ter waarde van R15 000 aan die Lichthuis Tehuis en die Mevrou Lichtenburg Elegant-organisasie geskenk. Die Lichthuis huisves en versorg ongeveer 100 bejaardes, terwyl die Mevrou Lichtenburg Elegant-organisasie voedsel aan sowat 70 hulpbehoewende gesinne voorsien.

Volgens die takbestuur het hulle besluit om hierdie noodsaaklike produkte te skenk om die nood wat weens COVID-19 in die gemeenskap ontstaan het, te help verlig.

“Bejaardes word as van dié kwesbaarste groepe beskou en dit is baie belangrik dat daar na hulle omgesien word. AfriForum sal nie skroom om kwesbare inwoners tydens hierdie krisis te ondersteun nie om sodoende die negatiewe maatskaplike gevolge van die pandemie so ver as moontlik te minimaliseer,” sê Petrus Coetzee, AfriForum se distrikskoördineerder vir Marico.

AfriForum moedig gemeenskapslede en sakeondernemings aan om vandag nog by AfriForum se Lichtenburg-tak betrokke te raak sodat soortgelyke projekte aangepak kan word. SMS “Lichtenburg” na 45351 (R1) en raak betrokke.