Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

AfriForum se Krugersdorp-buurtwag beveilig gemeenskap

Deurafriforum 26/03/202002/11/2020

Die AfriForum-buurtwag in Krugersdorp het op 23 en 24 Maart 2020 in samewerking met die SAPD en verskeie sekuriteitsmaatskappye twee verdagtes in hegtenis geneem.

Dít volg nadat die buurtwag die afgelope week hoësigbaarheidspatrollies in die omgewing uitgevoer het. Tydens hierdie patrollies het die buurtwag inligting oor moontlike inbrake op sy kommunikasiegroepe ontvang, waarna die verdagtes voorgekeer en in hegtenis geneem is. Albei arrestasies is in die teenwoordigheid van die SAPD uitgevoer.

“In tye van nood is dit gerusstellend om te weet dat daar steeds individue is wat hulle tyd opoffer om die gemeenskap te beskerm en te beveilig,” sê Dewet Ungerer, AfriForum se distrikskoördineerder vir die Wes-Rand.

AfriForum se Krugersdorp-buurtwag sal tydens die komende staat van inperking die nodige veiligheidsmaatreëls volg en alles in hul vermoë doen om steeds die gemeenskap by te staan.

Sluit vandag nog by jou plaaslike AfriForum-buurtwag aan: SMS “Krugersdorp” na 45341 (R1).