Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Buurtwag Mediaverklarings | Mediaverklarings

AFRIFORUM SE HERMANUS-BUURTWAG HELP SAPD MET INHEGTENISNEMING VAN TWEE VERMEENDE ROWERS

DeurAfriForum 18/11/202001/09/2021

AfriForum se Alfa-buurtwag, wat deel uitmaak van die organisasie se Overstrand-tak, het op 16 November die plaaslike polisie gehelp om twee vermeende rowers in hegtenis te neem.

Die buurtwag het om 14:06 gereageer op ’n noodboodskap op die buurtwag se WhatsApp-groep wat hul meegedeel het dat twee vermeende rowers probeer het om ’n motor by Ford Hermanus te steel. Nadat die twee vermeende rowers gekonfronteer is, het hul in ’n wit Chevrolet in die rigting van Stanford gevlug.

Die SAPD en alle veiligheidsrolspelers is onmiddellik in kennis gestel en die twee verdagtes is ná ’n jaagtog om 15:45 in die Stanford-omgewing in hegtenis geneem. Die SAPD het ook bevestig dat die voertuig waarin die twee rowers gevlug het ’n gesteelde voertuig is en dat die verdagtes ’n lang kriminele rekord het.

“Dit is lekker om te sien hoe die gemeenskap en die verskillende veiligheidsgroeperings met die SAPD kan saamwerk om sodoende misdadigers aan die pen te laat ry en ons gemeenskappe te beveilig,” sê Lourens Theron, AfriForum se Alfa-buurtwagleier.

Om by een van AfriForum se veiligheidstrukture betrokke te raak SMS “Veilig” na 45353.