Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Buurtwag Mediaverklarings | Mediaverklarings

AfriForum se Groter-Moot-buurtwag verwyder daggaplantasie

DeurAfriForum 28/03/202228/03/2022

AfriForum se Groter-Moot-buurtwag in Pretoria het op 27 Maart 2022 ’n daggaplantasie tussen 24ste- en 25ste Laan en Hertzogstraat uitgehaal. Die dagga word oop en bloot verhandel en die spruit word as ’n hidroponiese kwekery daarvoor gebruik. Al die daggaplante in hierdie gebied is vernietig.

Dié buurtwag ontvang dikwels klagtes vanuit die gemeenskap dat sluipslapers in hierdie gebied glo dwelms aan skoolkinders verkoop en doen alles in hul vermoë om hierdie probleem uit die weg te ruim.

’n Groot hoeveelheid hoesmiddelbotteljies word ook gereeld in die gebied gevind. Sekere hoesmiddels bevat dekstrometorfan wat hallusinasies veroorsaak indien dit op ’n sekere manier gebruik word. Hierdie middel is veral gewild onder tieners.

“Ons sal aanhou om hierdie aksies uit te voer om die gemeenskap te beveilig. Ons wil mense aanmoedig om by die buurtwag betrokke te raak sodat ons ’n veilige omgewing vir almal kan verseker,” sê Andries Opperman, lid van AfriForum se Groter-Moot-buurtwag.

Sluit vandag nog by AfriForum se Groter-Moot-buurtwag aan: SMS “Groter-Moot” na 45340 (R1).