Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Argiewe

AfriForum se Germiston-buurtwag kry nuwe veiligheidstoerusting

Deurafriforum 05/09/201802/11/2020

AfriForum se nuutgestigte buurtwag in Germiston het veiligheidstoerusting ontvang nadat die plaaslike tak dié behoefte geïdentifiseer het weens ’n toename in misdaadaktiwiteite in die omgewing. Die toerusting sluit koeëlvastebaadjies, glimbaadjies, voertuigmagnete en radio’s in.

“Die buurtwag vorm deel van AfriForum se plaaslike takstruktuur en het ten doel om die gemeenskap in samewerking met die polisie in tye van nood by te staan. Veiligheidstoerusting is van onskatbare waarde vir enige veiligheidstruktuur. Die Germiston-buurtwag kan hiermee daadwerklik tot die bekamping van misdaad in dié gebied bydra. Die buurtwag sal voortaan verskeie aksies en patrollies in samewerking met ander veiligheidstrukture loods om misdadige aktiwiteite te stuit,” sê Thabo Moloy, veiligheidsvoorsitter van AfriForum se Germiston-tak.
“Ons moedig die gemeenskap aan om by die plaaslike tak en die buurtwag betrokke te raak. Hoe meer mense betrokke is, hoe groter die verskil wat ons kan maak,” sluit Moloy af.

Raak vandag betrokke by jou plaaslike AfriForum-tak: SMS “Buurtwag” na 45342 (R1).