Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Buurtwag Mediaverklarings | Mediaverklarings

AfriForum se Gauteng-buurtwagte neem aan nasionale patrollie deel

Deur 22/09/202002/11/2020

AfriForum se buurtwagte in Gauteng het op 18 September 2020 in hul onderskeie gebiede aan dié burgerregteorganisasie se nasionale patrollie deelgeneem om polisiëringsigbaarheid te verhoog. Die patrollie is in samewerking met die SAPD, plaaslike gemeenskapspolisiëringsforums, gemeenskapslede, verskeie sekuriteitsmaatskappye en ander veiligheidsinstansies aangepak.

Altesaam 656 AfriForum-lede en 963 ander patrolleerders het 33 642 km met 776 voertuie afgelê. Die patrollie het omstreeks 16:00 begin en tot 06:00 voortgeduur. Die buurtwagte het hulp met 47 voorvalle verleen, insluitend ’n selfmoordpoging, die vastrek van roekelose en dronk bestuurders en verskeie padblokkades waartydens persone vir die besit van dwelms in hegtenis geneem is.

“Sigbaarheid speel ’n deurslaggewende rol in misdaadbekamping en AfriForum se Gauteng-buurtwagte sal voortdurend projekte aanpak en gereelde patrollies organiseer om misdaad in samewerking met die SAPD en veiligheidsinstansies hok te slaan,” sê Llewellynn Hemmens, AfriForum se provinsiale veiligheidskoördineerder vir die noordstreek.

“AfriForum se buurtwagte fokus nie net op sigbaarheidsaksies nie, maar verseker ook dat ander aksies plaasvind om gemeenskappe se weerbaarheid te verbeter, en ook verhoudings met ander rolspelers te vestig,” sê Hillel Coetzer, AfriForum se hoof van Gemeenskapsveiligheid vir die noordstreek.

Raak vandag nog by AfriForum se buurtwagte betrokke en help om jóú dorp veilig te maak: SMS “Buurtwag” na 45342 (R1).