Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Buurtwag Mediaverklarings | Mediaverklarings

AfriForum se Delmas Valke-buurtwag naasbeste (uit 50 buurtwagte) in noordstreek

DeurAfriForum 29/08/202429/08/2024

AfriForum se Delmas Valke-buurtwag het Saterdagaand (24 Augustus) tydens ’n prysuitdeling op die organisasie se nasionale kongres tweede plek behaal in die kategorie vir die beste buurtwag in die noordstreek.

Die kongres het van 22 tot 25 Augustus by ATKV Klein Kariba buite Bela-Bela in Limpopo plaasgevind. Gedurende die prysuitdeling het AfriForum-takke en -buurtwagte erkenning gekry vir die besonderse werk wat hulle in gemeenskappe doen.

Van al die 50 AfriForum-buurtwagte in die noordstreek is Mpumalanga se Delmas Valke-buurtwag die naasbeste. AfriForum se Benoni-buurtwag in Gauteng is as die beste buurtwag in die noordstreek aangewys.

AfriForum se Delmas Valke-buurtwag het ’n hoë suksessyfer met die verskeie suksesse wat dié buurtwag al in hierdie klein plattelandse dorpie bereik het. Van Januarie 2024 tot nou het die buurtwag meer as 60 verdagtes in verband met onder meer huisbrake, kapings en gewapende rooftogte in hegtenis geneem. Een van die arrestasies hou ook verband met ’n bedrogsaak waar meer as R2,5 miljoen gesteel is. Dié buurtwag het vanjaar ook al 18 gesteelde voertuie teruggevind. Verder het die Delmas Valke-buurtwag het sedert die begin van die jaar op 33 mediese voorvalle gereageer en op die toneel gehelp totdat mediese personeel opgedaag het. Die buurtwag het ook onlangs ses nuwe protospanlede opgelei om te help om die buurtwag se paraatheidsvlakke verder te verhoog.

“Ons is baie trots op hierdie prys en sal aanhou om ons gemeenskap te dien,” sê Carel Botha, voorsitter van AfriForum se Delmas Valke-tak.

Inwoners word versoek om AfriForum in Mpumalanga te ondersteun: Besoek www.wordlid.co.za.

Buurtwag Mediaverklarings | Mediaverklarings

AfriForum se Witrivier-buurtwag staan gekaapte toeriste by

Deurafriforum 23/01/202002/11/2020

Die AfriForum-buurtwag in Witrivier het op 21 Januarie 2020 drie Brasiliaanse toeriste bygestaan wat deel geword het van Suid-Afrika se misdaadstatistiek. Die…