Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Gemeenskapsake Mediaverklarings | Mediaverklarings

AfriForum se Boksburg-tak kies nuwe bestuur

DeurAfriForum 24/05/202225/05/2022

Die AfriForum-tak in Boksburg het op 23 Mei ’n aanlyn vergadering via Microsoft Teams gehou waartydens ’n nuwe takbestuur aangekondig is. AfriForum-gemeenskapslede kon hul insette lewer en nominasies maak oor die bestuurslede wat die tak sal verteenwoordig.

Die volgende lede is tot die bestuur verkies: Frankie Pedreiro (voorsitter), Gerald O’Kelly (ondervoorsitter), Bianca Matthyser (sekretaresse), Henlo Mienie (tesourier) en Daniel Ross (buurtwagleier).

“Baie dankie aan die vorige bestuur wat uitstekende werk gedoen het deur goeie selfdoenprojekte te vestig. Ek is vol vertroue dat die nuwe bestuur sal bou op die fondasie wat gelê is en met nuwe innoverende idees vorendag sal kom om verantwoordelikheid te neem oor die gemeenskap. Die nuwe bestuur wil graag die huidige veiligheidstruktuur versterk en ook fokus op die verbetering van die paaie en algemene netheid van die dorp. Daar sal ook aktief druk geplaas word op die munisipaliteit om hulle tot verantwoording te roep vir dienslewering,” sê Petrus Coetzee, AfriForum se distrikskoördineerder vir die Oos-Rand.

Word vandag nog deel van AfriForum se Boksburg-tak: SMS “Boksburg” na 45340 (R1) of skakel vir Frankie Pedreiro by 071 312 7618 om betrokke te raak.