Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Argiewe

AfriForum se Bloemfontein-tak bied hulp aan SAPD

Deurafriforum 10/01/201902/11/2020

Bloemfontein Misdaadintelligensie het die AfriForum-tak in Bloemfontein op 8 Januarie 2019 gekontak en versoek om AfriForum se hommeltuig te gebruik. Die hommeltuig was nodig om ’n huis, waarin verdagtes vermoedelik geskuil het, vanuit die lug te bespied en ontsnappingsroetes te identifiseer. ’n Buurtwaglid van AfriForum se Rayton/Heuwelsig-tak het die hommeltuig gevlieg. Die Suid-Afrikaanse Polisiediens (SAPD) se span het uit twee lede van die Bloemfontein-blitspatrollie en ’n lid van die Parkweg-speurtak bestaan. Die hommeltuig is naby die huis geloods en die nodige ondersoek is ingestel, waarna die SAPD op die huis toegeslaan het.

Tydens dié operasie is drie verdagtes gearresteer. Die verdagtes word van opsetlike saakbeskadiging aangekla. Goedere wat vermoedelik gesteel is, is ook op die perseel gevind. Een van die verdagtes is ’n bendelid, terwyl al drie betrokke is by ander misdaadsake wat ondersoek word.

“AfriForum doen ’n beroep op gemeenskappe om self hul veiligheid te prioritiseer. Ons kan nie op die regering alleen staatmaak om na ons veiligheid om te sien nie. Raak by enige plaaslike veiligheidsinstelling in jou omgewing betrokke of sluit vandag nog by AfriForum aan en word deel van die oplossing,” sê Joseph Renaud, AfriForum se distrikskoördineerder vir Rosestad.

SMS “Buurtwag” na 31481 (R1).