Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Argiewe

AfriForum se Apiesrivier-buurtwagte bevorder gemeenskapsveiligheid

Deurafriforum 10/07/201902/11/2020

AfriForum se Apiesrivier-tak in Pretoria het groot planne om kommunikasie- en kameramonitering in die gemeenskap te verbeter met die implimentering van ’n gemeenskapsbeheerkamer in die Apiesrivier-gebied. Die projek is van stapel gestuur om die gemeenskap se weerbaarheid te verhoog.

Die beheerkamer sal in verskillende fases met die nodige toerusting uitgerus word wanneer fondse beskikbaar is, maar monitering word reeds vanuit die beheerkamer gedoen.
Personeel van GAC Risk Solutions en gemeenskapslede sal dié beheerkamer beman. Danksy die beheerkamer en samewerkingsooreenkoms met GAC Risk Solutions kan hulle met AfriForum se nasionale radionetwerk bystand aan die noordstreekbuurtwagte bied.

“Die projek sal in verskillende fases voltooi word. Ons beplan om reeds teen einde Augustus kameras in die gebied te installeer wat ons in staat stel om die gebied 24 uur te moniteer. Die toevoeging van hierdie beheerkamer sal tot beter weerbaarheid van die gemeenskap lei,” sê Jaco Brits, ondervoorsitter van AfriForum se Apiesrivier-tak.
“Die krag lê in die gemeenskap. Hierdie is ’n voorbeeld van ’n gemeenskap wat saamstaan om ’n verskil te maak. AfriForum se Apiesrivier-buurtwagte werk daagliks om die gemeenskap se weerbaarheid te verhoog. Hoe meer mense betrokke raak, hoe meer kan bereik word om die Apiesrivier-gemeenskap te beveilig,” sê Hillel Coetzer, AfriForum se veiligheidshoof vir die noordstreek.

AfriForum se Apiesrivier-tak wil graag die verskillende instansies bedank wat by hierdie projek betrokke is: GAC Risk Solutions, die Bultfontein-gemeenskap, Apiesrivier-brandbeskermingsvereniging en die Vastfontein-gemeenskap.

Argiewe

AfriForum-takke in Vryburg en Wolmaransstad skenk water aan Calvinia

Deurafriforum 10/04/201702/11/2020

Die burgerregte-organisasie AfriForum se takke in Vryburg en Wolmaransstad het 6 000 liter water tot die eerste fase van die Calvinia-waterprojek bygedra.