Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Artikels | Forum Nuus

AfriForum-personeel spring in en verwyder rommel

Deurafriforum 12/04/201902/11/2020

Personeellede van gemeenskapsake by die burgerregte-organisasie AfriForum het vandag self ingespring en rommel naby die hoofkantoor in Kloofsig, Centurion, opgetel in ’n poging om die omgewing skoner te maak.

Aktiwiteite soos hierdie is deel van die #AnkerdorpPadskou wat in Februarie in Pretoria afgeskop het en reeds met groot sukses in Rustenburg uitgerol is. Die volgende dorp wat aan die beurt kom, is George waar AfriForum en vrywilligers in Mei ook talle projekte gaan aanpak om die lewensgehalte van inwoners te verbeter.

Die veldtog het ten doel om hoop te skep en die selfdoenaksies dra die boodskap in gemeenskappe uit dat indien jy ’n verskil in jou dorp wil sien, dit by jou moet begin.

Enigiemand is welkom om aan die veldtog deel te neem. Vir meer inligting besoek www.ankerdorp.co.za