Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Buurtwag Mediaverklarings | Mediaverklarings

AfriForum Oos-Moot-tak tree vinnig op en vang betreder

Deur 28/01/202002/11/2020

AfriForum se Oos-Moot-buurtwaglede, inwoners van Waverley en die Moot Crime Stop Security het Maandagmiddag 27 Januarie 2020 ’n betreder vasgetrek nadat ’n taklid op ’n AfriForum-groep laat weet het dat die betreder deur hul erf beweeg het. Die verdagte is onmiddellik agternagesit en sy beskrywing is op die buurtwaggroepe deurgegee. Die verdagte het ander klere aangetrek en die taklid kon ’n nuwe klerebeskrywing aan die groep deurgee.

AfriForum se buurtwaglede was onmiddellik op die toneel en het plek ingeneem by uitkykpunte terwyl ander buurtwaglede toestemming verkry het om van die erwe te deursoek. Die buurtwag was goed georganiseer en die verdagte het hom in Dunwoodierylaan in een van die buurtwaglede vasgeloop, waarna Moot Security Stop opgedaag en bystand gebied het. Die Villieria-SAPD is na die toneel ontbied en die verdagte is in hegtenis geneem.

“Só lyk gemeenskapkrag en samewerking. AfriForum se Oos-Moot-buurtwag sal aanhou om die stryd teen misdaad te stry,” sê Andries Opperman, voorsitter van AfriForum se Oos-Moot-buurtwag.

“Die dae van niksdoen is verby. Gemeenskappe moet hande vat en saamwerk om hul areas te beveilig,” sê Sampie Steinberg, AfriForum se distrikskoördineerder vir Groter Pretoria.