Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Artikels | Forum Nuus

AfriForum mobiliseer meer as 5000 mense vir nasionale massapatrollie

Deurafriforum 23/07/201802/11/2020

Nagenoeg 227 veiligheidstrukture van regoor die land het die afgelope naweek aan AfriForum se nasionale massapatrollie deelgeneem.

Die burgerregte-organisasie het meer as 5 000 mense van verskeie sekuriteitsmaatskappye, gemeenskappolisiëringforums, insleepdienste, polisiestasies, plaaslike besighede, paramediese dienste en verkeersafdelings gemobiliseer om aan die patrollie deel te neem.

Tydens die patrollie is 51 881 km in 2 292 voertuie afgelê.

Bykans 120 insidente is suksesvol tydens die verskeie patrollies hanteer, insluitend die afwering van ’n moontlike plaasaanval in Delmas. Patrolleerders het ook by verskeie ongelukstonele bystand gebied en dwelms gekonfiskeer.

Volgens Hillel Coetzer, AfriForum se veiligheidskoördineerder vir die Noord-streek, is die doel van die nasionale patrollie om gemeenskappe teen misdaad te mobiliseer en sigbaarheid en samewerking op nasionale en plaaslike vlak te verbeter.

“Die aantal insidente wat tydens die patrollies hanteer is, dui daarop dat dit ’n suksesvolle strategie is om misdadigers hok te slaan en misdaad te bekamp. Gemeenskappe moet, in samewerking met die SAPD, verantwoordelikheid vir hul eie veiligheid neem,” meen Coetzer

“Nasionale sigbaarheidsprojekte soos hierdie is nodig om die SAPD te help om misdaad te voorkom en bekamp. Die gemeenskap het ’n integrale rol om die SAPD by te staan om hul onderskeie gemeenskappe te beveilig,” meen Johandré van Zyl AfriForum se streeksveiligheidskoördineerder vir die Noord- Oos- en Wes-Kaap af.

Gemeenskappe regoor die land het ook in April hande gevat teen misdaad tydens AfriForum se eerste nasionale massapatrollie van die jaar, beter bekend as Operasie Rooimus.

Dié patrollie het landwyd op 6 April plaasgevind, waartydens 37 670 km deur honderde buurtwag- en gemeenskapslede, die Suid-Afrikaanse Polisiediens (SAPD), privaat sekuriteitsmaatskappye en nooddienste afgelê is.