Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Mediaverklarings

AfriForum: Mkhize enigste een wat ‘geskok’ is oor seun se betrokkenheid by Digital Vibes-skandaal

DeurAfriForum 21/10/202121/10/2021

Die burgerregteorganisasie AfriForum het vandag reageer op die voormalige minister van gesondheid Zweli Mkhize se pogings om die verdoemende bevindinge teen hom tersyde te laat stel.

Die Spesiale Ondersoekeenheid het in ’n verslag oor korrupsie waarby Mkhize betrokke was bevind dat ’n kontrak ter waarde van R150 miljoen, onregmatig aan die media-agentskap Digital Vibes toegeken is. Mkhize se seun het ook sowat R3.8 miljoen ontvang.

Mkhize het verder aan die media gesê dat hy geskok is om te verneem van sy seun, Dedani Mkhize, se betrokkenheid by dié skandaal aangesien hulle verhouding op hierdie stadium gespanne is.

“Ek dink Mkhize onderskat die publiek se intelligensie as hy dink enigiemand glo dat hy onbewus was van sy seun se betrokkenheid. Hy is duidelik die enigste een wat geskok is,” sê Jacques Broodryk, AfriForum se veldtogtebestuurder.

Volgens die organisasie is hierdie blatante plundery van die staatskas en die regering se gesloer om op te tree teen hierdie plunderaars, besig om op ’n grootskaalse belastingprotes af te stuur.

“Mense sukkel reeds en draai hul sente versigtig om, maar word steeds verplig om reusebedrae belasting te betaal, geld wat dan eenvoudig misbruik, gesteel en wanbestee word. Die regering besef duidelik nie dat hy besig is om met vuur te speel nie,” sluit Broodryk af.