Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Mediaverklarings

AfriForum maan munisipaliteite aan om veldbrandvoorkoming ’n prioriteit te maak

DeurAfriForum 29/11/202429/11/2024

AfriForum moedig munisipaliteite aan om veldbrandvoorkoming en -bestuur te prioritiseer en die nodige begroting en beplanning te doen, aangesien die meeste munisipaliteite in Suid-Afrika min of geen werkende brandweervoertuie het nie én nie genoegsame personeel het nie.

Dit volg nadat die Kaapstad-metro se brandweer-en-reddingsdienste hul strategieë vir brande dié somer aansienlik verbeter het, asook nuwe toerusting gekry het. Dié nuwe strategieë behels spesiale opleiding aan 96 addisionele brandbestryders oor hoe om veldbrande te bekamp en die gebruik van terrein-reaksievoertuie.

Dié nuwe strategie stuur ’n sterk boodskap van verantwoordelikheid en toewyding tot openbare veiligheid. Hierdie proaktiewe stappe sal beslis bydra tot die veiligheid van inwoners van die Moederstad en die beskerming van natuurlike hulpbronne, wat ’n prioriteit is tydens die veldbrandseisoen.

“Die metro se planne om meer pasgemaakte voertuie beskikbaar te stel, spesifiek ontwerp om veldbrande vinnig en doeltreffend te bestry, is ’n belangrike ontwikkeling. Hierdie voertuie sal noodsaaklik wees om veldbrande in uitdagende terrein vinniger te blus, wat skade tot die minimum sal beperk,” sê Tarien Cooks, rampbestuurspesialis van AfriForum.

Die aanstelling van addisionele brandbestrydingspersoneel maak dit ook moontlik vir die metro om brande meer doeltreffend te blus. Hierdie addisionele hulpbronne verseker dat veldbrandspanne beter toegerus is om nood daadwerklik te hanteer en om baie vinniger op brande te reageer.