Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

AfriForum loods regsaksie oor beweerde bedrog en korrupsie by die Universiteit van Johannesburg

AfriForum het ’n aansoek ingevolge die Wet op Bevordering van Toegang tot Inligting (PAIA) op die Universiteit van Johannesburg (UJ) beteken na aanleiding van beweerde bedrog en korrupsie op die hoogste vlakke van die universiteitsbestuur tussen 2014 en 2017.

AfriForum se aansoek het ten doel om inligting te kry oor die kaping van die intellektuele eiendom van die voormalige UJ-professor, Vivian Alberts. Die hofaansoek volg nadat dit bekend geword het dat wêreldgehalte tegnologie vir die vervaardiging van dunlagiesonselle op ’n onwettige wyse en sonder Alberts se medewete deur uitvoerende rolspelers en raadslede van die universiteit na ’n privaatmaatskappy oorgedra is. Alberts het hierdie dunlagiesonselle, wat wêreldwyd gepatenteer is, sedert 1993 by UJ ontwikkel.

AfriForum se regspan versoek daarom namens Alberts dat die hof die Universiteit van Johannesburg gelas om inligting te verskaf wat verband hou met die kaping van

intellektuele eiendomsreg en bates van Photovoltaic Technology Intellectual Property (PTiP). PTiP is ’n afwentelmaatskappy van UJ wat in 2005 deur onder meer Alberts as stigterslid en aandeelhouer gestig is om die dunlagiesonselle te kommersialiseer. Die beweerde kaping van PTiP se intellektuele en kommersiële bates het plaasgevind nadat die tegnologie reeds suksesvol in Duitsland en China gekommersialiseer is.

Die vernaamste inligting wat AfriForum deur middel van die PAIA-aansoek namens Alberts wil inwin, is ’n forensiese ouditverslag wat handel oor die korrupte aktiwiteite rakende hierdie kaping en uitbuit van intellektuele eiendom.

“Deur hierdie inligting in te win, hoop AfriForum om moontlike korrupsie en bedrog by die Universiteit van Johannesburg te ontbloot en hok te slaan. Dit is onaanvaarbaar en onwettig indien prominente rolspelers by UJ hul mag misbruik het om intellektuele eiendom op ’n onregmatige wyse aan ’n privaat maatskappy oor te dra ter doel van selfverryking,” sê Ernst van Zyl, veldtogbeampte vir strategie en inhoud by AfriForum.