Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Artikels | Forum Nuus

AfriForum-lede in Wes-Kaap wil korrupsie aktief uitroei

Deurafriforum 08/06/201802/11/2020

Deur Alet Rademeyer

AfriForum se Knak Korrupsie-veldtog in die Wes-Kaap was gisteraand ’n reusesukses met byna 200 mense wat die opleidingsessie in Bellville bygewoon het.

Te oordeel aan die goeie opkoms, is dit duidelik dat die publiek moeg is vir korrupsie en die verkwisting van hul belastinggeld.

Adv. Gerrie Nel, hoof van AfriForum se privaatvervolgingseenheid, sê die groot opkoms en aktiewe deelname gee ’n mens beslis hoop vir die stryd teen korrupsie in die Kaapstad-omgewing.

Wico Swanepoel, AfriForum se regsadviseur vir plaaslike korrupsie, meen die opleiding was ’n reusesukses. “Dit is regtig verblydend om te sien dat daar soveel mense is wat bereid is om standpunt teen korrupsie in te neem. Ons is ook bly dat ons mense kan bemagtig en glo dat met die inligting tot hul beskikking die geveg teen korrupsie in die nabye toekoms vrugte sal afwerp.”

Johan Spamer, wat die byeenkoms bygewoon het, sê hy het werklik baie uit Nel se voorlegging geleer en hy sien uit om die inligting met ander mense te deel.

Tommy van Zyl, AfriForum se voorsitter van Kaapstad-Noord, sê as sakeman het hy baie geleer en hy gaan ook die belangrike sakebeginsels in sy onderneming begin toepas.

Die Knak Korrupsie-veldtog het ten doel om mense op plaaslike regeringsvlak in te lig en bewus te maak hoe hulle ’n rol kan speel om korrupsie uit te roei. Die opleidingsessies is ook in Nylstroom, Bethlehem, Kuruman en Potchefstroom aangebied.