Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Artikels | Forum Nuus

AfriForum Jeug Tuks ploeg terug in gemeenskap

Deur 22/08/201602/11/2020

Die Suid-Afrikaanse Vrouefederasie (SAVF) se Susan Strijdom-tehuis vir verswakte bejaardes in Colbyn, Pretoria, is ’n groentetuin ryker nadat die AfriForum Jeug-tak op die Tuks-kampus in samewerking met die Tuks Psyche-vereniging Saterdag ŉ groentetuin met besproeiing by dié tehuis aangelê het.

Volgens Jaco Grobbelaar, AfriForum Jeug se koördineerder vir die Tuks-kampus, het AfriForum Jeug besluit om deel te wees van hierdie inisiatief omdat hulle ŉ volhoubare manier wou vind om hulp te verleen aan die ouetehuis.

Joanné le Roux, Psyche se projekleier, sê hoewel die grond bewerk en die groente geplant is, lê daar nog baie werk voor.

AfriForum Jeug en Psyche sal op 10 September met fase 2 van die projek begin waartydens ŉ besproeiingstelsel geïnstalleer sal word om die onderhoud van die groentetuin te vergemaklik.

Die betrokke studentegroepe het ook as deel van die dag se verrigtinge ŉ braai vir die inwoners van die tehuis gehou.

“Die groentetuin is nie net ŉ volhoubare manier om ŉ bietjie finansiële verligting te bring nie, maar gee inwoners ook kans om aktief te wees. AfriForum Jeug Tuks wou terugploeg in die gemeenskap en ‘n verskil maak in die inwoners se lewens,” meen Grobbelaar.

Om aan te sluit by AfriForum Jeug SMS “JEUG” na 36287 of besoek AfriForum Jeug se webtuiste by http://afriforumjeug.co.za/home/.