Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

AfriForum Jeug Mediaverklarings | Mediaverklarings

AFRIFORUM JEUG ONDERSTEUN BYNA 100 STUDENTE WAT NSFAS-BEFONDSING VERLOOR

DeurAfriForum 27/01/202102/09/2021

AfriForum Jeug het die regsfirma Hurter Spies Ing. genader nadat 5 000 tersiêre studente se NSFAS-befondsing vir die 2020 akademiese jaar gekanselleer is. AfriForum Jeug gaan die byna 100 studente wat die organisasie om hierdie rede gekontak het op 26 Februarie 2021 in die hof verteenwoordig.

Ná gesprekvoering met NSFAS was die beursskema baie behulpsaam en kon AfriForum Jeug terugvoer gee aan studente wat hul befondsing verloor het. Gebaseer op hierdie inligting van NSFAS kon die jeugorganisasie die studente inlig oor watter inligting benodig word om hul saak te hersien. AfriForum Jeug het vervolgens alle studente wat hul befondsing verloor het ’n geleentheid gegee om die organisasie te kontak voordat die hofaansoek op 26 Februarie aangehoor word.

“Ons hoop dat hierdie saak tot ’n verstandhouding tussen AfriForum en NSFAS sal lei sodat hierdie tipe geskille in die toekoms eerder buite die hof opgelos sal word. Die uitgerekte hofprosedures lei tot groot onsekerheid onder studente wat tans nie weet of hulle vanjaar verder sal kan studeer nie,” sê Bernard Pieters, bestuurder by AfriForum Jeug.

AfriForum Jeug beoog met hierdie hofsaak om sowel sy lede as die studente wat die organisasie privaat genader het by te staan. AfriForum Jeug het NSFAS reeds verlede jaar hieroor gekontak en poog nou om hierdie dispuut in die hof uit te klaar.

AfriForum Jeug veg al langer as tien jaar vir die regte van studente en jongmense. Raak vandag nog by die organisasie se jeugstrukture betrokke en help sodoende om ’n verskil te maak: Stuur ’n e-pos na jeug@afriforum.co.za of SMS “Jeug” na 32687 (R1).