Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Mediaverklarings | Plaaslikeregeringsake Mediaverklarings

AfriForum gee regspan opdrag om teen Eskom op te tree

Deur 18/06/202002/11/2020

Die burgerregteorganisasie AfriForum het sy regspan opdrag gegee om teen Eskom op te tree omdat die kragreus beplan om die elektrisiteitstoevoer na die Brits-omgewing vanaf 3 Julie 2020 te sny. Dít volg nadat Eskom op AfriForum se skrywe gereageer het waarin die kragvoorsiener aanvoer dat hulle die reg voorbehou om elektrisiteit te sny. Eskom het ook in die skrywe erken die krisis kan toegeskryf word aan die Madibeng Plaaslike Munisipaliteit se wanbestuur van fondse. Die munisipaliteit skuld Eskom ongeveer R138 miljoen.

Volgens AfriForum is dit onregverdig dat Eskom die Brits-gemeenskap straf terwyl die krisis duidelik veroorsaak is weens die onbekwame bestuur van die munisipaliteit.

“Dit is onregverdig om inwoners wat getrou hul elektrisiteitsrekening aan die munisipaliteit betaal het, te straf vir geld wat weens wanbesteding nie deur die munisipaliteit aan Eskom oorbetaal is nie. Die munisipaliteit bewys voortdurend dat hulle onbekwaam is om finansiële bronne te bestuur en om kritiese infrastruktuur te onderhou,” sê Petrus Coetzee, AfriForum se distrikskoördineerder vir Marico.

AfriForum wil graag ’n groter verskil in die gemeenskap maak en moedig inwoners aan om betrokke te raak. Word deel van die oplossing: SMS “Brits” na 45351 (R1).