Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Gemeenskapsake Mediaverklarings | Mediaverklarings

AfriForum en kie patrolleer Fochville om infrastruktuur te beskerm

DeurAfriForum 19/09/202420/09/2024

AfriForum se Wes-Rand-steunkring het die afgelope naweek (Vrydag, 13 September) ’n massapatrollie gehou om die gebied se infrastruktuur teen vandale te beskerm. Dié dorp loop gereeld deur onder kabeldiefstal en woonbuurte se kragbokse word dikwels beskadig. As gevolg hiervan sit inwoners soms vir dae lank sonder krag.

Altesaam 84 patrolleerders het honderde kilometers in 50 voertuie afgelê om Fochville te fynkam. Die patrolleerders het eerste patrollies deur die dorp gery, waarna hulle oor die landelike dele van Fochville gewaak het.

Talle rolspelers het kragte saamgesnoer om te verseker dat dié patrollie ’n sukses is. AfriForum se Wes-Rand-steunkring bestaande uit buurtwagte van Fochville, Roodepoort, Johannesburg-Noord, Krugersdorp en Randfontein was almal by die patrollie betrokke. Die aksie is boonop deur die Suid-Afrikaanse Polisiediens (SAPD) en plaaslike gemeenskapspolisiëringsforum (GPF) ondersteun, asook ander veiligheidsrolspelers soos Gladiators Security Services, CPI Security, Electro Security Services en ER24

Stephanus Blignault, AfriForum se distrikskoördineerder vir die Wes-Rand en Vaal Driehoek, sê dis belangrik dat almal hande moet vat om misdaad in dorpe hok te slaan. “Te danke aan die betrokkenheid van al die rolspelers was daar geen insidente tydens die patrollie nie. Sonder elkeen se bydra sou hierdie broodnodige aksie nie moontlik gewees het nie,” sê hy.

Besoek www.wordlid.co.za om by jou plaaslike AfriForum-buurtwag betrokke te raak en ’n daadwerklike verskil in jou gebied te maak.