Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Mediaverklarings | Omgewingsake Mediaverklarings

AfriForum dring aan op deursigtige watersekerheidsmaatreëls tydens Lesotho-Hoogland-waterprojek se geskeduleerde tonnelinstandhouding

DeurAfriForum 07/03/202407/03/2024

AfriForum het ’n navraag by die Departement van Water en Sanitasie (DWS) ingedien waarin die organisasie duidelikheid versoek en kommer uitspreek oor die beplande ses maand lange sluiting van die Lesotho-Hoogland-waterprojektonnel. Die sluiting is geskeduleer om van 1 Oktober 2024 tot 31 Maart 2025 te strek – hierdie tydperk van instandhouding is van kardinale belang vir uitgebreide herstelwerk om watertoevoer na verskeie munisipaliteite, veral in die Vrystaat en Gauteng, te optimaliseer.

Die Lesotho-Hoogland-waterprojektonnel vervul ’n deurslaggewende rol in die voorsiening van water aan die geïntegreerde Vaalrivierstelsel (GVRS), wat streke soos die Mafube, Nketoana en Dihlabeng Plaaslike Munisipaliteite in die Vrystaat, sowel as die hele Gauteng, beïnvloed. AfriForum erken die noodsaaklikheid van die instandhoudingswerk en soek gedetailleerde inligting oor die planne en maatreëls wat die DWS gereed het om watersekerheid tydens hierdie sluiting te verseker.

Gegewe die potensiële impak op waterbeskikbaarheid van riviere gedurende die tydperk van instandhouding, beklemtoon AfriForum die belangrikheid daarvan om spesifieke planne en bestuurstelsels wat deur die DWS ontwikkel is, te verstaan om watersekerheid in geaffekteerde gebiede te waarborg. “Ons is gretig om te verneem van enige gebeurlikheidsmaatreëls om onvoorsiene uitdagings wat mag ontstaan, aan te pak,” sê Lambert de Klerk, AfriForum se bestuurder vir Omgewingsake.

AfriForum erken die belangrikheid van gemeenskapsbewustheid en paraatheid en versoek omvattende besonderhede oor die kommunikasiestrategieë wat die DWS sal aanwend om inwoners op hoogte te hou van die situasie. De Klerk beklemtoon hoe belangrik dit is om inwoners te adviseer om water spaarsamig te gebruik tydens hierdie sluiting.

AfriForum erken die kompleksiteite verbonde aan die bestuur van sulke projekte en waardeer die pogings van die DWS om watervoorsiening gedurende hierdie tydperk van instandhouding te verseker. Die organisasie beklemtoon dat deursigtigheid in die verskaffing van inligting sal help om openbare begrip en samewerking te bevorder.