Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Argiewe

AfriForum-buurtwagte red polisieoffisier uit motorwrak

Deurafriforum 27/05/201702/11/2020

AfriForum se Sektor 5-buurtwag in Bloemfontein het op Vrydagaand, 26 Mei, ’n kernrol gespeel tydens die suksesvolle hantering van ’n ongelukstoneel in Pasteurrylaan in dié stad.

Danksy AfriForum-buurtwagte se gevestigde netwerke en sisteme is mediese hulp na dié toneel ontplooi, waar ’n motorbestuurder alleen in sy voertuig in ’n sloot gevind is. Hy het sy bewussyn verloor en was kritiek beseer.

Bystand is gebied nadat die eerste AfriForum-buurtwagpatrolleerders binne twee minute op die toneel was. Daar is vasgestel dat die beseerde ’n polisieoffisier is.
Die AfriForum-buurtwagpatrolleerders het die mediese personeel bygestaan om die beseerde uit die wrak te bevry en om hom te stabiliseer. AfriForum-buurtwagpatrolleerders het ook gehelp om die verkeervloei rondom die ongelukstoneel te reguleer om verdere ongelukke te vermy en die pad toeganklik te hou vir mediese voertuie en die brandweer om die beseerde so spoedig moontlik by die hospitaal te kry.

Ian Cameron, hoof van Gemeenskapsveiligheid by AfriForum, sê dat AfriForum sal voortbou aan Projek Nehemia – die burgerregtewaghond se landswye gemeenskapstrategie teen geweldsmisdaad. “Buurtwagte vorm die kern van hierdie strategie en die hulp wat AfriForum-buurtwagpatrolleerders tydens dié ongeluk verleen het, wys dat Projek Nehemia ’n wetlike raamwerk skep om weer hoop te gee aan gemeenskappe.”