Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Buurtwag Mediaverklarings | Mediaverklarings

AfriForum bied opleiding aan 139 gemeenskapslede in KwaZulu-Natal

DeurAfriForum 26/07/202226/07/2022

AfriForum het die afgelope week opleiding in regsaspekte aangebied aan ongeveer 139 gemeenskapslede in vier dorpe in die noorde van KwaZulu-Natal. Die opleiding is in Newcastle, Vryheid, Hluhluwe en Paulpietersburg aangebied.

“Dit was ’n voorreg om hierdie opleiding aan te bied en die vrae te beantwoord wat tydens die opleidingsessies gevra is. Ons lede moet gemaklik raak met die wetlike vereistes om reg te kan optree in noodsituasies of waar hulle optree as plaas- en buurtwaglede,” sê Marnus Kamfer, AfriForum se regs-en risiko-bestuurder.

“Regsaspekte is een van die 12 modules wat AfriForum aan sy plaas- en buurtwagte bied om hulle te bemagtig op hierdie terrein om korrek op te tree tydens veiligheidsaktiwiteite,” sê Eugene van Aswegen, AfriForum se distrikskoördineerder in KwaZulu-Natal.

AfriForum gaan in die toekoms weer opleidingsgeleenthede soos hierdie aanbied en sal vroegtydig die nodige inligting aan takke en buurtwagte deurgee.

“Ons wil gemeenskappe aanmoedig om deel te word van AfriForum se verskeie strukture om sodoende ’n daadwerklike verskil te maak,” sluit Van Aswegen af.