Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Ongekategoriseerde

AfriForum beveilig gevaarlike aansluiting

Deur 17/09/201902/11/2020

AfriForum se Sasolburg-tak het die afgelope naweek ’n selfdoenaksie gehou om die gevaarlike Minnaarstraat- en Wonderfontein-aansluiting meer sigbaar te maak.

Die tak het padtekens vervang, strepe oorgeverf, die stopteken duidelik gemerk en katogies aangebring.

Volgens André Vallentgoed, voorsitter van AfriForum se Sasolburg-buurtwag, het die buurtwag in September 2018 ingetree nadat verskeie ongelukke, waarvan sommige noodlottig was, daar plaasgevind het. “Sedert die projek verlede jaar aangepak is, was daar slegs een noodlottige ongeluk waarvan ons bewus is.”

Johan Cooks, voorsitter van AfriForum se Sasolburg-tak, sê die instandhouding van paaie, strepe en stoptekens is baie belangrik en dat die munisipaliteit versuim om die nodige instandhoudingswerk te doen. “Hulle dobbel dus met padgebruikers se lewens deur nie paaie duidelik te merk nie. Daar waar ons kan sal AfriForum help om die werk gedoen te kry deur self in te spring en herstelwerk te verrig.”

AfriForum moedig die gemeenskap aan om betrokke te raak by die tak se selfdoenaksies en sodoende ’n verskil in hul gemeenskap te maak.

Raak deel van dié inisiatief: SMS “Sasolburg” na 45340 (R1) om by die tak aan te sluit.