Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Argiewe

AfriForum besoek Laerskool Helderkruin met teenboelieveldtog

Deurafriforum 15/08/201702/11/2020

Die burgerregte-organisasie AfriForum het verlede week met hul teenboelieveldtog by Laerskool Helderkruin in Roodepoort, Gauteng besoek afgelê. Dié projek dien as bewusmaking van afknouery in skole en sluit inligtingsessies met kinders, onderwysers en ouers in.

“Dit is belangrik vir die AfriForum Navorsingsinstituut (ANI) en Trauma-eenheid om saam met kinders, onderwysers en ouers te werk om ’n verskil te maak en afknouery in skole hok te slaan,” sê Leandie Lombaard, navorser by ANI.

Antoinette Steyn van AfriForum se Trauma-eenheid het ’n werkswinkel oor afknouery vir die onderwysers aangebied. Tydens dié werkswinkel het onderwysers meer geleer oor hoe kinders se persoonlikhede verskil en hoe elkeen anders en uniek is en daarvolgens hanteer moet word.
Die akteur Jacques Gombault het ’n inligtingsessie vir ouers aangebied oor die rol wat hulle in hul kinders se lewens speel en hoe afknouery op hoërskole hok geslaan kan word deur kinders se ingesteldheid reeds op laerskool te verander.
Chris Schutte, hoof aan die Laerskool Helderkruin, meen dat die skool net positiewe terugvoer van leerders, ouers en onderwysers gekry het.
Stuur ’n e-pos na boelie@afriforum.co.za indien jou kind se skool by hierdie projek betrokke wil raak.