Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

AFRIFORUM, AFRIFORUM JEUG EN CHEETAHS FOR CHANGE HOU BLOEMFONTEIN SKOON

DeurAfriForum 05/05/202103/09/2021

AfriForum Jeug en die AfriForum-tak in Bloemfontein het asblikke aan Cheetahs for Change geskenk om hulle te help om die omgewing om die Toyota-stadion skoon te hou. Die Mangaung-metro sukkel die afgelope paar weke om skoonmaakdienste te lewer.

Cheetahs for Change het AfriForum genader om ’n verskil in die gemeenskap te maak aangesien AfriForum reeds oor strukture in Bloemfontein beskik om dié aksies aanpak. Ses staalasblikke sal in die volgende paar dae in Parfittlaan en Att Horakstraat opgerig word. Hulle beoog om die omgewing rondom die stadion skoon te hou en ander rolspelers in die gemeenskap te betrek om ook betrokke te raak.

“Ons is dankbaar vir die geleentheid om saam met Cheetahs for Change te werk en te help om Bloemfontein skoon te hou. Die samewerking bied aan ons die geleentheid om ook ander aksies in die Bloemfontein-omgewing te ondersteun om ’n groter, volhoubare impak te maak,” sê Petri van der Walt, nasionale koördineerder van dorpstrukture by AfriForum Jeug.

“Ek is baie opgewonde oor die verhouding wat ons met Cheetahs for Change bou. Dit dien die breër gemeenskap en maak ’n daadwerklike verskil in Bloemfontein. Die samewerking tussen AfriForum, AfriForum Jeug en Cheetahs for Change gaan vrugte afwerp en ons moedig graag die plaaslike skole, ondernemings en alle inwoners aan om by ons projekte betrokke te raak en ons gemeenskap te verbeter,” sê Christo Groenewald, distrikskoördineerder van Bloemfontein.

AfriForum en AfriForum Jeug sal aanhou om aksies te loods om ’n verskil te maak waar plaaslike munisipaliteite versuim om hul pligte na te kom. Raak vandag nog by jou naaste tersiêre of dorpstak se jeugstruktuur betrokke om ’n positiewe verskil te maak: Stuur ’n e-pos na jeug@afriforum.co.za.